Pegat Tresno (GEGURITAN)

Geguritan

Irah-irahan: Pegat Trisno

Dening : M.Faridcahya Hendrawan.

Wayah  wengi  angina  sumilir

Udan  gerimis  ora  uwis-uwis,

Banyu  sing  mili  saya  nambahi

Susah  sajroning  atiku,

Petenge wengi  iki  ora  bisa

Gawe  bungahe  atiku  amerga

Aku  sing  kelingan  sliramu.

Apa lali  apa  pancen  wis  ngelali

Sumpah  prasetya  urip  bebrayan

Mbesuk  nganti  tumekaning  pati,

Tresnamu  apa  among  esuk  dele

Sore  dadi  tempe,  Aku  kok  anggep

Guyonan  wae, Aku  ora  percaya

Nanging  wis  ora  bisa  diapusi

Yen  trisnamu  luntur  kegawa

Milining  banyu  sing  netes.

Duh  Tresnaku….endahing  impiku

Wis  cukup  sakmene  wae  lilaknono

Yen Aku  mlayu  ninggalake  sliramu,

Iki  wis  dalane  yen  Aku  kudu

Pegat tresno  marang  sliramu.

Terbit: Rabu, 10 Agustus 2016.