R.A.Kartini kembange donya

Cemloroting srengenge kang sumunar

Saka sisihing wetan jagat raya

Angglegar-glegar madhangi saputing

Wilayah Indonesia kang mardika,

Menehi semangat marang

Muda-mudining Bangsa.

Ing bumi Jepara provinsi Jawa tengah

Ana sawijiningWanita kang rekasa,

Mbela, lan gelem merjuangake derajat

Uga martabate Wanita, kang dadi kembangeBangsa,

Lan sesilih asma Raden Ajeng Kartini.

Senajan dipingit wong tuwa kekarone

Ora dadekake perjuangane bakal kandheg

Anggone mbela masa depane kaum

Wanita, sendyana isih timur yuswane, ananging

Rekadayane ing nalika jaman penjajahan bisa

Ngungguli marang rekasane kaum priya

Ing rikolo semomo.

Kartini………………

Wanita sing duweni otot kawat balung wesi,

Kartini…………….

Wanita sing dadi Ibune paraWanita Indonesia,

Oragelem yen dheweke dipanggonake ing

Panggonan sing luwih rendah,

Oragelem yen Wanita among diutus

Ing pawon, sumur, lan mung paesan bae,

Nanging amerga watake kang gagah prakosa

Wanita bisa dadi pimpinaning Bangsa.

Nanging ing jaman reformasi iki

Akeh wong wadon sing nganggo busana

Kaya wong wuda, sopan santun lan tata krama

Sing wis ora kena ditata, saya sumrambah sadalan

Dalan kaya wong edan.

Raden ajeng Kartini………

Duweni tekat kang minulya lan raharja

MringWanita ,mugi tansah pinaringan uga

Aweh kabegjan mring kang PurbingWasesa,

Lan pepadang kang tinerang kaya sinaring rembulan.

Raden ajeng Kartini…....

Ayune ngebaki cahyaning donya,

Gemuyune kaya Dewi Sinta

Sing jelma dadi Kartini.

Matur suwun …..duh Ibu Kartini

Wiwit nganti tumekan saiki

Wong wadoning Negara iki wis

Bisa madhakake kalungguhane

Kaya dene wong lanang .

Muga-muga

Panggonan mu disarekake wonten

Swarganing Gusti maha Agung kang mulya

Lan Panjenengan tansahdadi

Kembanging donya kagem Para Wanita.