Pamite Gelang kalung (GEGURITAN)

Sansaya kelingan dek jamane urip

Susah nalika isih kumpul bebrayan

Gelang kalung amung gawe

Ati tansah kelingan rina wengi.

Lungamu ora dunung ing ngendi

Ninggalno Aku lan Anakmu

Nganti wayah iki, pancen Kowe

Ora getun Aku ora nggumun

Sliramu mesthi pedhot karo Aku.

Pamit makaryo kerjo nyang Suroboyo                 

Ning saiki  banjur lungo tanpo sworo,

Sliramu tego banget ora eling

Aku nanging karepanku elingono Anakmu,

Saben dina terus nakokake sapa

Iku Bapakke Aku mung meneng wae.

Gelang kalung dadi pepeling

Nalika biyen kowe isih nyanding

Senajan pedhot Aku uga nyimpen

Gelang kalung sing dak tompo

Kanggo bukten yen sliramu kudu

Eling marang wong sing kok

Tandur sangang sasi ing gua panggarbianku.

Terbit : Senin, 15 Agustus 2016.