Kangen bojo (GEGURITAN)

Kangen bojo

Dening : M.FARID CAHYA HENDRAWAN

(SISWA SMA NEGERI 1 SUGIHWARAS).

Ketawang swaramu terus kelingan

Marang manise esemmu kang tansah

Ngegodha gawe lara rasaning atiku,

Udane deres wanci ratri sansaya

Agawe susahing ati.

Fotomu sing katempel ing gebyok omah

Banjur dak pundhut tak usapi

Bleduk-bleduk sing kasaput ing

Sakiwa tengene fotomu tak aras

Pipimu tak suntek ing rangkulanku.

Lara nelangsa saya nambahi

Kangen sak njeroning manah

Apa pancen ndika wis ninggalake Isun,

Mabur dhuwur mbekta prasetya

Sing kanyatane kok apusi.

Pikiranku kayata lagi wuyung

Kabingungan mikirake Ndika ,

Apa pancen iki sing diarani

Lagi kangen bojo,

Muliha duh pepujaning atiku

Tansah kabukak jembar lawang omah

Kanggo ngentene kapan tekane sliramu.

Terbit : Rabu, 05 Oktober 2016.