Pegat Tresno-2 (GEGURITAN)

Ora kerasa luh iki banjur

Netes ing mripatku , sajak katon

Ora ngandel menawa dina iki

Dadi dina sing sedhih kanggo kowe,

Nanging apa sing dak nggambarake

Ana ing angen-angenku uga ora bisa

Dadi pepesthene tresnamu karo Aku.

Rinasa salah banget Aku wis nggawe

Prasulayane sliramu saben dina nalika

Isih kumpul bareng tresna iki lumaku

Kanthi ora ana rubeda, setya tuhu

Tresna sing kagurit ing saben critaku,

Kudu dak mbuang adoh-adoh aja

Nganti Aku terus sesandhingan bareng sliramu.

Nalika palu kadhodhok ing nduwur meja

Ora dak percaya mung sewates angen

Yen cagak asmoro sing dak mbelani

Kudu ilang saklawas-lawase,

Panyuwunku ora akeh sing tak

Tunggu muga-muga sabanjure

Pegat tresna iki dalanmu bisa

Jembar, bisa entuk wong sing kok

Rasa pantes nggantekake sliraku.

Terbit : Selasa, 04 Oktober 2016.