Pituture Gusti (GEGURITAN)

Becik apa wong urip ana

Ing ngalam donya yen wis ditinggal

Tata kelawan budi utomo,

Aja mingar-minger yen minger

Mundhak keblinger, yen wis bali

Amung sakcuil kain mori sing rusuh

Kebak reget-reget sing bakale

Kok mbekta mbesuk, nalika

Banjur madhep marang kang Kuwasa.

Yen digagas temen-temen

Kauripan ing donya iku wekasane

Amung sedhela, sing mukti saktenane

Amung manggon ing sawijining papan

Panggonan sing katutup urukan lemah,

Lan bantal watu , uga kewan-kewan

Sing ala sing setiya ngancani sliramu.

Aja dumeh yen sliramu sugih

Banda donya aja sumelang

Yen uripmu mung nandang

Kasengsaran, kabeh ing donya iki

Amung titipan sing lawas enggal

Bakal dipundhut karo sing nduweni,

Aja kakehan tumindak yen pengen

Pikantuk panggonan sing mulya

Awit saiki age-ageya nindakake

Sholat limang wektu, uga

Ngedohake sakabehe tindak munkar.

Ora ana samubarang gegayutan

Sing entheng lakonane sathithik entuk

Pacoban aja mung nggrundel, terus kok

Gawe abot yen dirasa mbendina

Mesthi saklawase pacoban iku

Bakal dadi pacobaning uripmu.

Terbit : 29 September 2016, /Kamis.