Pamit mulih (GEGURITAN)

Tumetesing waspaku

Ora tega rasaning atiku

Ninggalake sliramu adoh saka Aku,

Tansah katon esemmu

Kebak ngawe-awe ing ngarepe mripat,

Aku tansah sumanding sliramu.

Ora nyono-nyono

Yen ngene kedadeyane Aku bakal

Tumut andhereake Rama lan Ibu

Mulih menyang ndesaku,

Ora ngiro-ngiro

Yen ngene baline iku dudu panyuwunku

Wekasan mung welingku Aku titip

Kembang mawar biru openono kanggo

Pratandha tresnaku mring sliramu.

Lilanono pamit mulih iki

Mesthi kula kang entuk sesulih

Donganono bakal cedhak marang

Sedaya kang dituju, wis rampung crita

Suci sajroning ati kudu buyar amerga

Kahanan sing ora bisa mesthekake.