Lunture Asmoro

Lunture asmoro

Dening: M.FARID CAHYA HENDRAWAN

Kowe teka mung banda dengkul

Karo minyak pometmu sing

Kok ratakake ing rikmamu

Ora lali agemanmu uga kebak

Wangen-wangen sing agawe

Atiku kepiyak-piyak marang

Wewangene katresnanmu.

Prasasat ora ana awan lan wengi

Kajaba ndiko sing memaesi

Praupane isun ing njero ning ati

Rina kapikir dadi wengi semono

Uga wengi prasasat dadi rina.

Tresno sing wis lumuntur dening

Prasulayane jiwa tansah mudhari

Kembang-kembang sing wis padha

Ngelayu awit keprungu yen

Riko mungkasani taline asmoro

Sing sayektine mung digawe siya-siya.

Tresnamu ora bisa ngimbangi

Anggone uripku sing tansah

Ngawuyungake riko,

Melathi sing rinonce-nonce

Sampun ambyar lan udar

Marang lamise pocapanmu.

Mung siji sing dadi pangarepanku

Masiyo wis luntur tresno iki

Muga tansah tan kena pedhot

Sambung kancan nadyan ora bakal

Nyandhak jejuluk jejodhoan wis

Rampung olehku nyerat seratan saklarik

Iki muga bae bisa dadi tembang kangen

Kanggo atiku sing uwal saka atimu.

Terbit :

             Rabu, 19 Oktober 2016.