Wuyung

WUYUNG

Dening : M.FARID CAHYA HENDRAWAN

Kayungyuning endahing sekar

Sinajar dene purwakaning ati

Ngawe-awe ing ngarepe mripat

Miwiti penggaweyan dina iki

Kleyang-kleyang godhong waru

Ing ngarep plataran omah

Modal-modal ngronceki wuyung

Sing mung ngegodha ati.

Pacobaning urip

Kang kelakon wayah esuk awan

Lan wengi mung nguciwakake ati

Mangan ora doyan amarga

Tansah kapiran karo wong

Sing diimpi-impi saben wengi

Ora jenak dolan lan gegojekan

Sebabe kasepen mung turu ijen

Ora ana kanca sing gelem mbaturi.

Adoh saka caketing ati

Mung cedhak saka kusumane ati

Tansah mulati kasetyaan

Sing kaukir-ukir endah sarta edi peni

Agawe pangeraming ati.

Duh wong ayu

Kang dadi pepujaning atiku

Apa ora trenyuh batinmu

Kang suci apa ora nandang

Lara bronto yen kamengka

Weruh atiku kairis-iris

Amerga solah lan polahmu

Baliyo mrene duh wong ayu.

Terbit :

              Senin, 24 Oktober 2016.